انا حر
بقلم - أحمد خليفة:
مدرس لغه عربية بجدة
باحارب نفسي واستسلم
واكلم نفسي ميت مرة
الاقي الضحكة تتبسم
جميلة... بس من بره
واحاسب ناس وعندي الحق
وباطلع ليه انا الغلطان
على راسي يزيد الدق
وانا المطلوب اكون غلبان
ولا احاسب في يوم ظالم
ولا اتكلم عن الأوجاع
ولا باقدر اكون حاكم
واعيش متبوع بدون أتباع
انا باحلم اعيش هادي
وبارفض اني اكون مظلوم
ونفسي اكيد اكون عادي
وعارف اني مش معصوم
واراضي الناس واكون راضي
واعيش بين البشر مجبور
ولا أفكر في يوم ماضي
ولا باكشفلك المستور
لنفسي باكون انا الحاكم وانا المحكوم وانا القاضي
بحكم السجن مش راضي
انا حكمي اني عيش حلمي بكل أمان
انا حكمي اني اعيش إنسان
