العلاقة.. والحياة
اي علاقه في حياتنا فيها الحلو وفيها الوحش فيها الوقت الجميل وفيها الوقت السئ ازاي في اوقات مشاكلنا ماتخسرش الشخص اللي ادامك وتحافظ عليه ازاي ماتخسرش حد بتحبه كل مشكله بتمر بيها مع الطرف اللي انت بتحبه بتعلمك حاجات كتير وكمان بتقدر تستوعب الطرف التاني وتعرف مميزاته وعيوبه.
وهل انت ممكن تقدر تكمل معاه ولا لأ وتعلمك طبعا انك تحتوي الموقف او المشكله اوقات كتير بنبني العلاقه عشان احنا شايفنها بقلبنا مش شايفين اي عيوب أدامنا عايزين العلاقه تنجح مهما كانت فيها كتير عيوب بس احنا عايزينها تنجح عايزين مانخسرش شريك الحياه واجمل حاجه عشان ماتخسرش اللي ادامك تكون واضح وصريح معاه عشان العلاقه تكمل للنهايه واوعي تكمل في علاقه انت حاسس اللي ادامك مابيبذلش اي مجهود عشان تنجح بالعكس هو واقف في مكانه العلاقه دي بتبقي مرهقه جدا لانك انت دايما شايف كل حاجه في العلاقه والطرف اللي ادامك مش شايف اي حاجه.
عشان كده لما تحب بجد أتأكد من مشاعر الطرف التاني وتبقي واثق منها لان لو المشاعر مزيفه في كل مره ممكن تتنازل عن حاجه جوه نفسك عشان تاخد منه شويه حب عشان تاخد منه المشاعر اللي انت بنستناها لكن في كل مره بتعمل كده بتتعب اوووووي وعشان ماتخسرش اللي ادامك اتاكد.
الاول من مشاعره وهل فعلا حقيقيه واوعي تمشي في الطريق من غير ماتتأكد عشان مش هتعرف ترجع تاني ولو رجعت هتبقي مليان اوجاع.
بقلم - صابرين جابر:
