بخاف
كلمات: ياسمين حافظ
بخاف ع كل حاجة بحبها تمشي
وعيوني من الخوف مابتنامشي
وبخاف ع الضحكة إللي بضحكها ما تكملشي
والفرحة إللي لسه ماجتشي
بخاف من الخوف يجيلي
وبقيت بدور ع إللي يلهيني
ويطمني ويرسيني
ويخليني اهرب منه ويبعدني
وكل ما العمر يعدي
والأيام تجيب وتودي
الخوف جوايا بيزيد
و اكني في سباق مع الخوف
واخداها تحدي
والخوف عمال بيأكل في نفسي
بخاف من اللحظة الحلوة
واليوم لما يعدي هادي
من غير مشكلة ولا بلوى
وبخاف من الضحكة بالعنوة
والحب إللي بالقوة
ومن صحبة تقيلة ومملة
بخاف من الكدبة المطبوخة
وتسبيكة خداع مظبوطة
وأعيش عمري مقهورة
