مول عفراء

يوميات مهندس مشاكس

بقلم: تامر راغب

لما وصلت السودان
الناس هناك دلوني علي مول كبير هناك اسمه
" مول عفراء "

كنت لما بلاقي نفسي زهقان كنت بروح مول عفراء اقضي وقت كبيير هناك

المول الصراحه كان روعه
يشبه الي حد كبير كارفور عندنا في مصر
وفيه محلات اكل كتيييير
ومحبي الترفيه كان في ترابيزات بنج وبلياردو
وللاطفال كان في العاب كتيير قوي
ومحلات لاعدد ولا حصر لها
وسينما جميله كنت بروح اتفرج فيها علي احدث الأفلام .

وانا كنت متفق مع مراتي واولادي إني أجيبهم السودان في الاجازه الصيفية يقضوا معايا شهرين

وعلشان اقنع الاولاد انهم يسيبوا اصحابهم في الاجازه ويجولي يقعدوا معايا شهرين
قولتلهم علي مول عفراء

وقولتلهم انهم مش حيزهقوا هنا ابدا لان مول عفراء حيبسطهم
وحيقضوا وقت هناك رووووووعه

وقعدت اعدد ليهم عن الحاجات اللي ممكن يعملوها في مول عفراء
واني حجيبهم علي طول
لغايه ماخلتهم يحلموا باليوم اللي حيروحوا فيه مول عفراء

المهم حجزت التذاكر لمراتي والاولاد

وقبل ما يوصلوا باسبوع استيقظنا كلنا في السودان علي خبر مفجع

" النيران تلتهم مول عفراء عن بكره ابيه نتيجه ماس كهربي "

يادي الحظ الاغبر
اقول لاولادي انا ايه دلوقتي

مش حجيبلهم سيره انا الا لما يوصلوا بالسلامه

ولكن يوم وصول مراتي واولادي للسودان كانت حكايه كبيييره قوي حضراتكم

انتظروا اللي حصل في الحكايه القادمه بعنوان
" زياره زوجتي واولادي "

أسعد الله اوقاتكم
ودمتم بخير