والدى الحبيب
والدي الحبيب
انا لسة فاكر ضحكتك
انا لسة فاكر كلمتك
انا لسة فاكر وانت بتصحيني اروح المدرسة وبصوت جميل
تديني زعقة كويسة
وتقول لي هاه؟
اجيب لك الشاي بالحليب؟
والدي الحبيب
انا لسة فاكر وانت راجع م الحجاز
مانا كنت واقف فاتح شباكنا الازاز
واما شفتك فجأة نطيت من مكاني نزلتلك ماعرفش ليه عيني بكت مانا قلتلك
خدني معاك وماكنش ينفع
بس قلت لما ترجع
راح تجيب لي لعبة حلوة نفسي فيها
وبجد يومها فرحت بيها
عربية لعبة كبيرة من ارض الحبيب
والدي الحبيب
انا لسة فاكر واحنا في العيد الكبير
ووراك مشينا نقلد الصوت الحرير
الله اكبر كبيرا والحمدلله كثيرا
واما نرجع من صلاة العيد تجيبنا
نتلم عايزين العيدية تملا جيبنا
والضحك يعلى بفرحنا بأجمل حبيب
والدي الحبيب
انا لسة فاكر كل حاجة عملتها
انا لسة فاكر كل كلمة قلتها
بس فاكر للأسف آخر سلام
يومها خلصنا الكلام
وناديتني يومها رجعت لك
سلمت يومها وبوست راسك قلت لك
اخر سلام
يومها قلبي كان حزين
يومها دمعي كان دفين
يومها خبيت اني حسيت ان ده
آخر سلام
من غير كلام واحشني يا والدي الحبيب
بقلم - احمد خليفة:
مدرس لغة عربية بجدة
