فرقة المدفعجية الموسيقيين : " احنا مكملين واللي يغلط يتحاسب"
وكتبوا عبر حسابهم على " فيسبوك"، "إحنا المدفعجية من ساعت ما بدانا واحنا بنطور في المزيكا لفينا مصر بيها ولفينا العالم بيها وفرحنا الناس في أفراحهم وحفلاتهم حتي اللي بيسمعنا في العربيه احنا وغيرنا بيفرحوا ويتبسطوا عمرنا مازعلنا حد وهنكمل بيكو وليكو ولسه عندنا كتير ناس كتير طلعت اتكلمت وهاجمت وقالوا علينا اللي مش فينا وشتموا فينا احنا كلنا متعلمين وجامعين وأهلينا ربونا عالاحترام والتقدير والأصول".
وتابعوا: "إحنا ضد اي حد يقول كلمه غلط في المهرجان مش بأيد الغلط بس المفروض اللي يغلط يتحاسب لكن التعميم غلط في حد ذاته مثلا لو حد قتل احبسوا هو وعيلتو وصحابو التعميم غلط مش صح واحنا كمدفعجية مكملين ومش هنوقف غنا احنا ورانا شعب مش جمهور وهنكمل بيكو وعشانكوا وكل حد فرحناه عارف الكلام ده كويس المهرجان اكبر قاعده جماهريه في مصر وعمرو ما هيموت شكرا لجمهورنا اللي بيساندنا ودايما في ضهرنا وشكرا ليكوا أنكم دايما في ضهرنا وانتوا السبب في شهرتنا ووجودنا وبيكو مكملين".
وأصدر الفنان هانى شاكر نقيب المهن الموسيقية مساء الأحد الماضي قرارا بمنع مطربى المهرجانات من الغناء، محذرا في بيان من التعامل مع مطربى المهرجانات.
ونص بيان نقابة المهن الموسيقية، أنه على جميع المنشآت السياحية والبواخر النيلية والملاهي الليلية والكافيهات عدم التعامل مع من يطلق عليهم مطربي المهرجانات، ومن يخالف ذلك القرار سوف يتم اتخاذ كافة الإجراءات القانونية بما في ذلك إصدار قرار بعدم التعامل مع المنشأة المخالفة لهذا القرار".
