الجمال الشكلي عمره ما كان كافي عمره..

#سمواتي

بقلم: سماء عماد

في ١٠٠ الف حاجة تغلب الجمال.. و بما إن الجمال ده شيء نسبي جدا و كل واحد عنده الجمال مختَزل في حاجة..زي اللي يشوف الرقة جمال حتى لو شكلا و ملامح متواضعة الجمال..حد يشوف الجمال في الحضور و الكاريزما..حد تاني يشوف الجمال في الجسم الحلو..حد تالت يشوف الجمال في التدين..و حد رابع يشوف الجمال في العقلية و الفكر..

ياما ناس قمرات تشوفهم تقول سبحان اللي خلقهم ما شاء الله..تتعامل معاهم تلاقي نفسك بتقول أعوذ بالله..متستحملش تعاشرهم و لا تتعامل معاهم دقيقتين على بعض، عشان كدة سطحية التفكير عند بعض الناس اللي بتاخد بالشكل و المنظر دول الله يعينهم على نفسهم عشان العين بتعتاد أي نوع جمال و مبيبقاش شيء مؤثر أد جمال القلب و الروح و النفسية..

الكاريزما بتغلب الجمال
الحنية بتغلب الجمال
رقة القلب و المشاعر بتغلب الجمال
القوة و الاصرار و الطموح بيغلبوا الجمال

و بما إن الله جميل يحب الجمال..و الاختلاف و التنوع هو سر الجمال و إلا كان ربنا خلقنا كلنا بنفس الشكل و نفس الجمال..
كل واحد ليه جماله اللي ربنا خصُّه و ميزه بيه سواء شكلاً أو طباعاً أو روحاً..

#سمواتي