تصريحات مثيرة للهضبة عمرو دياب بعد ظهوره إعلامياً

عادتنا ومعروف عن الهضبه عمرو دياب قليل ظهوره إعلامياً، ولكنه قرر الخروج لمحبيه في مصر والوطن العربي من خلال مداخلة هاتفية في أحد البرامج التليفزيونية، ليتحدث عن نجاح ألبومه الجديد سهران المتصدر منصات مواقع التواصل الاجتماعي لليوم الخامس على التوالي.

-نبرز أهم التصريحات المثيرة لعمرو دياب

الشربيني تدعمني وأهم حاجة في حياتي هو دعم الشريك وهذه أجمل هدية لي في عيد الحب «مش تديني وردة حمرا واديها وردة بيضاء».

-أيمن بهجت قمر من أهم الشعراء في السنوات الأخيرة وأنا ضد قرار اعتزاله.-

قفلت على نفسي 40 يوم في الاستديو أثناء تحضير الألبوم ومكنتش عارف بيحصل إيه بره.

- فضلت شغال لحد ساعة 10 ونص قبل صدور الألبوم يوم 12 فبراير.

- جمهوري له حق عليا ولازم اشوف ذوقهم إيه.

- تعاملت مع ملحنين وموزعين لأول مرة في ألبومي مثل عزيز الشافعي ورامي سمير وغيرهم.

- أنا جيت من بورسعيد عشان أعمل البومات مش أغاني سينجل وهافضل أقدم البومات لحد ما موت وده أهم مشروع في حياتي.

- درست تأليف الموسيقى على يد كبار الموسيقيين والأساتذة في معهد الموسيقى العربية ولم أكمل دراستي واحترفت الغناء.

- اتربيت على ألبومات اللي قبلي زي الأستاذ محمد منير.

- قربت أكتر للناس وجمهوري وده فرق معايا جدا.

- على طول حاسس إني معملتش حاجة وإني مقصر.

- اختلاف الأذواق والثقافات سبب ظهور المهرجانات ولا أقلق منها لأني محترف.