البدله زي الفل
يوميات مهندس مشاكس
( من ذكرياتي في السودان # ٢ )بقلم: تامر راغب
اول يوم شغل كان ليا في دوله السودان الشقيقه كنت لابس الحته اللي علي الحبل علشان ادخل عليهم المصنع بقي وانا في قمه شياكتي
" الانطباع الأول يدوم "
لبست يومها افضل بدله عندي
وبمجرد دخولي للمصنع قابلت مدير الموارد البشريه الذي صافحني بحب وترحاب ولكنه مد يده الي كتفي ليمسح شيئا ما علي كتف البدله .
وبمجرد ان ادار وجهه حاولت ان اري ايه اللي علي كتف البدله ولكني لم اجد شيئا .
المهم الموضوع اتكرر مع معظم من قابلتهم
وآخر واحد بيسلم عليا عمل نفس الحركه
روحت من غيظي قالع الجاكيت بغيظ وقعدت ابحلق في كتف البدله اشوفهم هم بينضفوا ايه وللاسف مش لاقي اي حاجه عليها .
لقيت مدير الموارد البشريه بيقولي في ايه يا اخ تامر ؟
قولتله كل اللي يسلم عليا يمسح حاجه علي كتف البدله وانا مش عارف في ايه ؟
لقيته بيقولي دي طريقه سلام للترحاب عندنا نحط ايدينا علي كتف الزول للترحاب
وشي احمر صراحه من الحرج
بس اهم حاجه البدله طلعت زي الفل
أسعد الله أوقاتكم
ودمتم بخير
