وقت الرحيل
في وقت بيمر علينا من اصعب الأوقات اللي بتمر في حياتنا ويمكن تكون مؤلمه جدا وهي رحيل شخص عزيز عليك اوووووي ورحيله مش بس لحظه الموت او رحيله من الدنيا يمكن تكون دي أصعبها واشد ألما لكن في لحظه رحيل تانيه بتكلم عليها هو انسحاب شخص من حياتك وأنه يقرر انه يبعد عنك وأنه يخرج من حياتك.
القرار ده بيبقي غير متوقع نهائيا بيبقي الطرفين مش عاملين حسابهم ان ممكن حد فيهم يتخلي عن التاني طول فتره العلاقه ماحسابوش اللحظه دي اطلاقا عشان كده بلاش نتعشم اوووووي بلاش نبني أحلامنا وآمالنا علي اشخاص لانهم ببساطه ممكن في لحظه يقرروا البعد يقرروا الرحيل يقرروا الانسحاب من غير اي أسباب ومن غير اي مقدمات.
عشان كده بلاش تتعلق بحد لدرجه الموت اه لدرجه الموت انه لو سابك حياتك هتقف انه لو قرر ينسحب تقول خلاص انا حياتي انتهت ومش عارف اكمل او مش اقادر أواصل حياتي او مش عارف ابدأ حياه تانيه حاول لما تدخل في علاقه تبقي عارف كويس انها ممكن تنجح او ممكن تفشل ممكن توقف لحد معين او ممكن تستمر لازم يبقي عندك اختيارات كتيره مش حاجه واحده بس لو انتهت يبقي انت كمان حياتك تنتهي حاول تتمسك بالطرف التاني لكن لو قرر الرحيل يبقي ده مش اخر العالم ولازم تقف وتعدي الازمه وتبدأ حياتك من جديد.
بقلم - صابرين جابر:
