بسبب ( هديل ) المنوفية تريند على تويتر

تصدر هاشتاج ( المنوفية ) التريند المصري على تويتر وذلك بسبب تغريدة لحساب باسم هديل أنور قالت فيها

: "انا بحمد ربنا اني دخلت جامعه خاصه تقريباً كل الي فيها نفس الطبقه ونفس الفكر مع اختلافات بسيطه ممكن التعايش معاها مش عارفه لو دخلت جامعه عاديه واتعاملت مع معظم طبقات الشعب الجاهل المتخلف ده كان ممكن يجيلي ايه ولو دي نرجسيه انا نرجسيه عادي جداً" ...
وتسابق المغردون فى الرد على هديل بعد أن اكتشفوا أنها من المنوفية بعبارات شديدة اللهجة وامتزجت التغريدات ببعض السخرية ..
قال مصطفى فوزى : خير المنوفية فى التريند ليه ؟؟
قال عبد الله ناصر : من موقعي هذا أرض القمر أشمون المنوفية بقولك ي@hadelanwar
قدمي يبنت الحلال طلب هجرة لمحافظة تانية إنتي معدتيش تلزمينا
قال طارق سمير : يا هديل انتى لسة مخرجتيش من جو ثانوية عامة للاسف ، لما تخرجى للعالم الكبير اللى برا الجامعة هتخافى تقولى انك من المنوفية اساساً
قال يوسف علام : انا مش هقدر اعلق ع حوار انك من المنوفيه وكدا لاني اعرف ناس كتيرمن المنوفيه كويسين وطيبين .. انما انت اصلا متستاهليش حد يعبرك اقسم بالله محسساني انك ف كامبردج اومال لو مكنتيش فاشلة من بتوع ثانوي كنتي عملتي فينا اي..
قال حساب باسم صاحب السعادة : مش عارف كلامى هيعجب بعض الناس أو لأ بس على ما أظن إنها ما تقصدش الناس الفقيرة هى أكيد تقصد السلوك والثقافة الغلط اللى عند بعض الناس لأن فيه ناس كتير فقيرة بس راقيين ومحترمين ومش بقول الكلام ده دفاعا عنها أو إنى أعرفها أو تعرفنى مع إحترامى لكل الناس لكن مصر فيها أزمة ضمير وأخلاق
قال حساب باسم حبيبة : هو الكلام اغلبيته صح بس كان مفروض يتقال بطريقه اشيك من كده..