باختصار

كلمات: ميادة الشربيني

باختصار الحياه ليها معنى
عند كل حد فينا
فيه اللى بيشوفها ف صحابه
ف سهره حلوه وضحكه رايقه
وفيه اللى بيشوفها ف زحمه
تبقى بيها الدنيا حبكه
وفيه اللى بتقابله ف طريقه
لما تبقا السكه سالكه
ليها معنى الدنيا بينا
رايقه حبكه بتنادينا
جوه منها حياتنا دايمه
حتى لو ضلمتها حالكه
شامعه نورها يحي فينا
ناس تعيش ف ساعات
دقيقه
وناس ثوانى سنين عتيقه
وناس بترفض ف الحقيقه
ف كل حاجه بتبقا شاكه
فيه اللى جواه ذكريات
وفيه اللى جارحه ماضى فات
جمعانا خنقة حاجات
كانت ضماها إيدينا
بس ضاعت
وبضياعها الحزن بكا
فيه اللى محبوس جوه غربه
مضيعه سنين حياته
وفيه اللى ضايع جوه نفسه
وجوه روحه وجوه ذاته
وفيه اللى مستمتع بيومه
ب عتمته حتى و غيومه
صعب ع الإحساس تلومه
قابل الجو بحالاته
باختصار
اللى فات ذكريات
واللى غاب عنا مات
لسه جايه كتير حاجات
واخده منا وجايبه لينا
أمواج واخدانا ف بحورها
وكله راكب ف السفينه
فيه إللى يتغر بطلوعها
وفيه إللي ضايع بين ضلوعها
وفيه إللى راكب غصب عنه
وقال ياريتنا ماكنا جينا
المهم وباختصار
الوجود مش إختيار
فين هترسى الدنيا بينا
فأى حته وأى مينا
سعينا هيعود علينا
إحنا بس صحاب قرار
ناتجه عنه حياه نعيشها
جنه كانت ولا نار
باختصار.