باقة النت تشعل السوشيال ميديا .. خلصت قبل ميعادها.. صور

ظهرت دعوات تطالب بمقاطعة شركات الاتصالات لنفاذ باقات الانترنت قبل ميعادها ، او بعد ايام قليلة جدا من شحنها ، بردود أفعال غاضبة على السوشيال ميديا مطالبين تفسير ذلك ، مشيرين للشكاوي دون جدوي او إجابات شافيه من قبل خدمة العملاء

فكتب النشطاء آلاف التعليقات عبر صفحات مواقع التواصل المختلفة منها:

قولولي أعمل ايه دلوقتي ؟؟؟؟؟؟
شحنت باقة النت بليل الصبح قالولي انها خلصت
هو ده كلام ناس عاقلين

واشار اخر " نفس اللي حصل معايا فعلا وحاجه غريبة معنديش نت من بعد ماشحنت15يوم

الباقه خلصت

وكتب اخر " فعلاً حصلت معانا النت مكملش ١٠ايام وكلمنا الشركة سمحتلناب٥جيجا وخلصت فى نفس اليوم مش عارفة ازاى فى نفس اليوم .. وغيرها الكثير من الشكاوي واتفق العديد من رواد السوشيال على ان المقاطعه هى الحل قائلين:

الكل لاحظ ان النت المنزلي بقى ضعيف جدا في الفتره الاخيرة واعتقدنا كالعادة ان ممكن يكون عطل فني مؤقت!! وأغلبنا استلم رسايل بعد ايّام قليلة من التجديد الشهري ان الباقة خلصت علي عكس كل شهر بالرغم من نفس طبيعة الاستخدام .

بس اكتشفنا لاحقا ان شركة TE-Data
من 30-7 حولت كل الخطوط إجبارياً علي العروض الجديدة ولو حاولت الرجوع للعرض القديم .. الرد مينفعش لانه مبقاش متاح في الشركة غير العروض الجديدة... وده كلام خدمة العملاء

وأشار البعض لزيادة السرعة و الميجابايت وسعة الاستخدام هما فعلا عملوا كده.... وتساءلو فى التعليقات ايه الفرق !!

جاء الرد " الفرق لو انت كنت علي عرض 5 ميجا الي معظمنا كان عليه ، كنت بتاخد 100 جيجا داونلود ولما بيخلصوا السرعة بتنزل ل 1 ميجا ، اما حاليا السرعة 30 ميجا و بيديكي 140 جيجا ولما بيخلصوا بتبقي 0.256 ميجا لا تكفى حتي لعمل محادثة علي الواتس أب ، وطبعا سرعة 30 ميجا دي بتخلص الباقة بسرعة جدا في مدة أقل بكتير عن قبل كده وبكده أنتي مجبرة أنك تشحني باقات إضافية بتخلص بسرعة الصاروخ برده

واضاف اخر انا الباقه عندي خلصت في 10 ايام و تقريبا معظمنا كده فالحل اما بالزيادة ل 250 جيجا ب 210 جنيه وبرده مش هتكمل الشهر
او تغير الشركة او نعمل مقاطعه

وطالب البعض بتشيير دعوات المقاطعة وتفعيل
الهشتاج
مضيفين " ياجماعه وشيروا البوست علشان صوتنا يوصل واللى بيقولوا نغير الشركه اكيد الشركات بنفس النظام

موجه غضب عارمة تجتاح رواد الانترنت الذي أصبح اساس الحياة اليومية لدي الكثيرين فهل من مجيب على تساؤلاتهم