علقه سخنه

من مذكراتي مع زوجتي

في إحدى الليالي الهادئه وأثناء إستغراقي في نوم عميق 

بقلم: تامر راغب

في إحدى الليالي الهادئه وأثناء إستغراقي في نوم عميق

فتحت عيني من عز النوم مفزوعا وانا بانتفض من لَسْوَعِة الشبشب علي جسمي وانا نايم .

ببص بذهول لقيت زوجتي المصونه ماسكه الشبشب في ايديها ونازله بيه علي جسمي وانا نايم

ولما صرخت فيها انتي اتهبلتي

لقيتها بتبصلي بذهول وذعر وبعديها اتفتحت في ضحك هستيري

انا : انتي اتجننتي بتعملي ايه ؟

مراتي : مش قادره ترد من هستيريا الضحك اللي انتابتها واخيرا قالتلي والله ما تفهمني غلط .

انا : افندم ......يعني ايه .

مراتي : اصل كان في نمله فارسي كبيره عليك وانت نايم فكنت بموتها وكنت مركزه اني اضربها واموتها في مكانها ومخدتش بالي والله انها عليك.

انا : حسبي الله ونعم الوكيل
لو اتكررت تاني يبقى كارت أحمر وعلى بيت ابوكي فوراااااا

ومن ساعتها وانا مشغول جدا بالرد على السؤال ده :

هل كان في نمله فعلا ، ولا دي اشتغاله ؟

ولا تكون بتاخد حقها مني وبتتمحك في النمله ..؟؟؟؟

يا جماعه انا كرامتي ناقحه علي أوي

اسعد الله أوقاتكم
و دمتم بخير