سعادة البيه

ف الدنيا بنقابل ناس
شايفين روحهم أوى بزياده
علشان عنده واو عربيه
أو فسقيه ف فيلا ياساده
ناس عايشه ف زمن الطرابيش
مش عايزه ف واقعنا تعيش
إن إنت معاك وأنا مفلس
حاجه أبداً متعبنيش
بص بقا ياللى شايف نفسك
وانا مش عارفه
شايف على إيه؟؟
عايز تمشى ف وسط الناس
وكله يقول ياسعادة البيه ؟؟
مش حاسس دا زمن وإتغير !!
هو انت قديم أوى كده ليه ؟؟
البهويه والباشويه عهدها ولاا
خلاص بقا عدى
وإنت ماشيلي نافش ريشك
شيل طربوشك دا بقا مخده
بعد الغدا كده ف القياله
إسند راسك يبني عليه
قال عايز الناس تطاطيلو
وتقوله ياسعادة البيه !!
عارف يبني البيه إل بجد
عارف مين الباشا الجد
إللي بيمشى مابين الناس
والكل يشوفه يدعيله
إللي بيتمنو على الراس
من غير مايقولها
كده تشيلو
علشان وقت ما كانو ف أزمه
كان راجل ومعاهم سد
هو دا بقا البيه والباشا
إللي بيبني وعمره ماهد
إللي لامال بيغير طبعه
ولا يوم أذى مسكين أو وجعه
ولا مكسور جرحه وجه عليه
ياللى عايز علشان طربوشك
يتقالك ياسعادة البيه ¡¡
تاني نقولك مين البيه
يوزن تقلك كله فلوس
ع الغلبان أبداً ما يدوس
ماشى مابين الناس متواضع
شكوى المحتاج ليه سامع
مش بيمن عليه بالكلمه
ولا بيمن عليه بجنيه
وإنت عايزلى لقب بهويه
ريشه وطربوش مع فسقيه
عندك سور حوالين الفيلا؟؟
رايح جاى كده .. واجرى عليه
ضيع وقتك واشغل نفسك
ومترضاش كده بردو بيأسك
ممكن حد ف حلم يجيلك
يرضى غرورك محنى يشيلك
ويقولك
ياسعادة البيه.