الجدع.. وقت الشدة

مين لما بتقع بيقف جمبك مين لما بتحتاجه بتلاقيه مين لما الدنيا بتيجي عليك بتلاقي ساندك وفي ضهرك هقولك انا اللي يجري عليك ويسيبً كل حاجه عشان يكون معاك في شدتك نقول عليه جدع.

اللي يزعل عشانك ويحاول يشيل عنك همومك نقول عليه جدع اللي يحارب الدنيا عشانك نقول عليه جدع اللي يفرحلك من قلبه نقول عليه جدع اللي مايسمحش يتقال عليك اي كلام يأذيك يتقال عليه جدع اللي يحبك من قلبه يتقال عليه جدع اللي بصاحبك من غير اي مصلحه يتقالً عليه جدع اللي يوفي بوعده وعهده معاك يتقال عليه جدع اللي يسامح ويغفر يتقال عليه جدع اللي يبقي ادامك ومن وراك هو هو نفس الشخص يتقال عليه جدع اللي مايتغيرش مع مرور الوقت يتقال عليه جدع اللي جواه ابيض ومابيشيلش يتقال عليه جدع الجدعنه ليها معاني كتير حاولوا تتمسكوا بكل الاشخاص دي.