الرئيس السيسي يرد على سؤال نشأت الديهي بشأن الحفاظ على الدولة المصرية

رد الرئيس عبد الفتاح السيسي، على سؤال الإعلامي نشأت الديهي بشأن كيف يمكن الحفاظ على الدولة المصرية. 

وقال الرئيس السيسي "أول حاجة أنك تحقق ثبات استقرار الدولة يعني مهما حصل من ضغوط هنا ولا هنا أنت منتبه أنت عايز تستقر ويكون فيه سياق للدولة المصرية والخطة وهذا لن يتحقق إلا لو فيه مؤسسات دولة قوية تضبط الإيقاع وتحقق الأهداف".

وأضاف "وهذا لن يتحقق إلا لو عندك مفكرين استراتيجيين متعلمين كويس علشان يضع توصيات مدركة للمخاطر، أنتم لازم تقودوا مسيرة الجدارة في الدولة ادفعوا بالناس الجيدة وأنا بعد 2013 عملت لجنة من كبار علماء الجامعات قعد يشتغل 6 أشهر علشان يطلع بالخطة الحالية".

وتابع "إذ مكنتش هتضخ ناس متعلمة ودي أول خطوة حقيقية يا نشأت في بناء دولة المعرفة والجدارة والعلم هيخليك تقدر تقول الباحث هيدي كويس، وأول خطوة في بناء دولة حديثة هو الاستقرار والجدارة وهذا مسار الأمم اللي كتبت تاريخها بجدارة ".