ولد بمحافظة أسيوط، فى 13 /11/ 1987، وهو نجل عقيد متقاعد قوات مسلحة صلاح اسماعيل، وله 3 أخوة من الأولاد وأخت واحدة، إلتحق بالكلية الحربيه فى أكتوبر 2004 ضمن قوة الدفعه 101 حربية، وتخرج فى 20 يوليو 2007 برتبة ملازم تحت الإختبار حاصلا على بكالوريوس العلوم العسكرية.
وانضم لسلاح المدفعية، ليبدأ أول خدمتة فى القوات المسلحه بإحدى وحدات المدفعية بحلايب و شلاتين، و هى من أصعب مناطق الخدمة حيث يتعلم المقاتل الصلابة و الصبر و الجلد، و عند ترقيته إلى رتبة ملازم أول تم نقله إلى الإسماعيليه، و هناك تم ترشيحه لعدة بعثات نظرا لتميزة و تفوقه فى عمله، فسافر إلى ( روسيا و الصين و الولايات المتحدة و الكونغو )، وحصل البطل على تقدير إمتياز فى دورة رؤساء الإستطلاع، وتقدير إمتياز فى فرقة قادة سرايا، وتم تكريمه من القائد العام للقوات المسلحه نظرا لتفوقه مما أدى إلى ترشيحه ليكون واحدا من صفوة المقاتلين على أرض سيناء.
وهناك عمل فى كل الأماكن الملتهبة إبتداء من العريش مرورا برفح وصولا للشيخ زويد و هو برتبة النقيب لمدة عامين، ثم تم تعيينه رئيسا لعمليات اللواء 62 بالإسماعيليه، وكان البطل ضمن قوة موقع البرث الباسلة.
يومها الملحمة إبتدأت .. وبدأ البطل يرصد الأهداف ويرفع الإحداثيات ويبلغ المدفعيه تضرب .. (( طيب المدفعيه دى تضرب اى مكان كده جوه النقطه !!؟ أقولك لا طبعا تضرب اهداف بره النقطه على مسافة 500 متر مثلا و دى كده مسافه قريبه جدا.... طيب ممكن 300 متر ؟؟
ممكن يعنى بس لو ضابط إدارة النيران معلم كبير و ده خطر جدا على النقطة و اللى فيها لو العيار ثقيل .. طيب و محمد صلاح !!؟
لا حضرتك البطل محمد صلاح كان بيبلغ بإحداثيات على مسافة 100 متر من النقطة، و من ثقة القيادة فيه بيضربوا على اللى بيبلغه ))
• سؤال مهم جدا هو مثلا و هو بيبلغ وعمال يرصد من النقطة وياخد إحداثيات و يبلغها و المدفعية تضرب .. هل مثلا معينين حراسه عليه !؟
لأ طبعا .. ده معااااااهم جوه النقطة جوه المدعكه بيضرب و بيقاتل وبيتضرب عليه نار بكل الاسلحه، وقادر يوصل الإحداثيات و يبلغ القيادة .. هو فيه كده !!؟ نعم ... انهم ‘‘ خير اجناد الارض ‘‘
ظل البطل صامد ويقاتل و يبلغ ... حتى عرف وتأكد أن قادر أحمد منسى أستشهد و النقيب شبراوى أستشهد و الضابط حسانين أستشهد و أغلب الأبطال أستشهدوا فكان بلاغه الأخير كالتالى ..
((( محمد صلاح : تمام يا فندم أضرب إحداثى النقطة
القيادة : أنت بتقول ايه يا سيادة النقيب !!؟
محمد صلاح : يا فندم أنا المسؤل أغلب أفراد النقطة أستشهدوا و التكفيريين خلاص داخلين النقطة، وهيطلعوا المبنى أضرب يا فندم النقطة بعد أذنك ..
القيادة : يا أبنى أنت لسه عايش !!
محمد صلاح : يا فندم طالعين على السلم هيرفعوا علمهم على النقطة و هيمثلوا بجثامين زملائى، أرجوك يا فندم أضرب إحداثى النقطة علينا )))
ولتخترق طلقة جنب البطل محمد ويستشهد قبل وصول الدعم و هروب التكفيريين بلحظات، لينال أعظم وسام ويبقى مع أحلى صحبة صحبة منسى و رجالته، فى فجر يوم الجمعة، 13 من شوال 1438 هجريا، الموافق 7/7/2017، وليتم نقل البطل، بإرادة إلاهية، الى الجنة، ليكون آخر من استشهد من مجموعة البطل أحمد منسى، ضمن أبطال ملحمة البرث المخلدون بإذن الله، ولينضموا جميعا لرجال صدقوا ما عاهدوا الله عليه ... والى لقاء