عبدالستار يطالب اعفاء دور العبادة من مصروفات الكهرباء

طالب رياض عبد الستار، عضو مجلس النواب، من الحكومة بضرورة إعفاء دور العبادة من مصروفات الكهرباء.

وقال النائب في كلمته خلال الجلسة العامة للبرلمان: لا يعقل أن يدخل المواطن علشان يصلي ركعتين لله يقوم يدفع فلوس علشان الكهرباء.

وأشار النائب، إلى أن المصليين كل أول شهر يقومون بجمع المبالغ المستحقة لوزارة الكهرباء، قائلا: الناس بتتعب علشان تلم الفلوس للكارت بتاع البيه وزير الأوقاف.

وانتقد النائب رياض عبد الستار، القرار الصادر من وزير الأوقاف في هذا الشأن، مشيرا إلى أنه من غير المقبول على الإطلاق أن يتم جمع الأموال من المصلين لدفع فواتير الكهرباء.

وقال عبد الستار: وزير الكهرباء مش هيبطل شمط في العباد، وكمان وزير الأوقاف بيكمل عليهم وكل اللي داخل يصلي فريضة ربنا يدفع فلوس.