الفطير الطرى فى اقل من 10 دقائق
المقادير
نص كيلو دقيق
سمنه او زبدة
ذره ملح
ماء دافى للعجن
معلقتين كبار سكر
النص كيلو دقيق على فكرة بيعمل فطيرتين كبار
هانعجن الدقيق بعد اضافة ذرة ملح بالماء عادى خالص لحد ماتبقى عجينة ماتلزقش فى الايد ونقسمها لعجنتين
هنيجى على تربيزة كبيرة ونرش شوية زيت ونفرد عليها العجينة بالنشابة
هنفرد لحد مايبقى راق شفاف
هنكون مسيحين السمنه و عليها معلقتين السكر بيظبط الطعم جدا
ماتخفوش مش هيبقى عامل زى الفطير اللى بالسكر لا هيبقى طعمه جميل
ممكن نضع على السمنه رائحه سمن بلدى
المهم هنرش السمنه على العجينة
بعد كدة هنيجى لمرحلة لم العجينة وهى سهلة
نلم العجينة من جميع الجهات حتى تصبح مستديرة
بعد كدة هنجيب صينية مدروة او طبق مدور ونحط عليها العجينة ونظبط فيها بحيث تأخد الشكل المدور
هانحضر طاسه تيفال ونضع فيها سمنه عشان نسوى الفطير على شعلة متوسطة هو مش بيأخد وقت حتى يحمر الوجهين
الف هنا وشفا
الشيف جمال الشربينى
