الثقة .. اختفت
امتي تثق في اللي ادامك وتأتمنه علي أسرارك لما ألاقي ميت واحد عارفين اخباري امتي تثق في حبيبك انه عمره ماهيخونك لما ألاقيه بيكلم حد غيري وشايف حد غيري امتي تثق في قريبك اللي قلت هيبقي ضهري وأماني واستأمنه علي شغلي وحالي ومالي خلاص الثقه مابقتش موجوده.
ماينفعش اثق في فلان وفلان ماينفعش اثق ولا ادي الأمان هو احنا بقينا في زمن مين الناس بقيت عايزه تاخد وخلاص مش مهم انت بتعمل ايه مش مهم انت عملت ايه المهم تاخد منك كل اللي عندك.
ولما تسال انتوا فين يمشوا ويسيبوك غرقان لا قادر توصل لبر الأمان ولا قادر تكمل كمان.
الثقه اللي اختفت في زمنا تحس انك مش قادر تبوح بأسرارك عايز تصرخ وتطلع اللي جواك بس مش قادر خايف لحد يسمع ويقول لفلان وفلان.
اصل خلاص السر هيبان عشان واحد جبان راح قال لفلان وفلان ولما تحسي انك عايزه تفضضي بقينا ندور علي ناس كمان اصل اللي قبلهم خان اقف ادام مرايتك واحكي وفضفضي اصل دي اللي هتحسي فيها بالأمان.
بقلم - صابرين جابر:
