عيش الحياة صح
شفت كتير وقليل بس سواد القلب بقي كتير شفت قليل وكتير بس الحقد والغل بقي كتير شفت قليل وكتير بس اللي مايصونش العيش والملح بقي كتير هو احنا بقينا في زمن ايه زمن الغدر والخيانة بقي طبع بشر كتير .
زمن اللي بيخون ويغدر زمن اللي عايش عشان مصلحته زمن اللي بياخد دايما ومش عايز يدي كفايه تعبنا من كتر الوشوش كفايه تعبنا من اللي الكدابين الأندال اللي بيتلونوا بألف لون ولون خلاص تعبنا بقي اختاروا وش من الوشوش بس اكيد برده هيبقي وش خاين وكداب.
ابووشين بيلعب علي الحبلين ويشوف مصلحته فين ومع مين تلاقيه بيتودد لفلان وعلان ويكسب دايما اللي مصلحته معاه خلاص مصلحتي خلصت معاك تلاقيني مشيت وروحت ادور علي اللي مصلحتي معاه وساعتها تسال فين الكرامه وعزه النفس.
يقول خلاص ده زمان واللي كان زمان خلاص عدي وكان بس انا بقولك خليك واثق في نفسك خليك عند كرامه خليك خليك عندك عزه.
عيش الحياه وانت رافع رأسك أوعي تتذل في يوم من الايام لحد أوعي تتكسر عشان خاطر حد الحياه بتتعاد مره واحده بس عيشها صح مع الناس الصح.
بقلم - صابرين جابر:
