هنا الزاهد تودع طلعت زكريا بكلمات مؤثرة
علقت الزاهد على الصورة قائلة " اخر صورة اتصورتها مع ابويا وحبيبى وسندى اللى كبرت معاه سنين يوم كتب كتابى، انا فاتحة الصورة دى من بدرى وعايزة اقولك أن ربنا هيدخلك الجنة يااطيب خلق الله لانك ربيت ثلاثة بنات وكأنك ابوهم واكتر ، انا عايزة اقولك أن معرفتش كلمة بابا غير وانا معاك ، عمرى ما قولت تقريبا بابا غير ليك ، كنت بجرى عليك اول ما اعمل حاجة غلط علشان تدافع عنى قدام ماما ، انا عمرى ما حسيت انك مش ابويا اللى مخلفنى انا مش مصدقة انى مش هشوفك تانى واقولك زازى يازاززي نفسى ترجع واقولك اد ايه احنا بنحبك كلنا واقولك انك أعظم ممثل انا بحبك اوى وماكنتش اعرف انى بحبك اوى كدة ،هتوحشنى يااحن انسان عرفته فى حياتى ،ارجو الدعاء "
حصدت الصورة 100 ألف حالة إعجاب وما يقرب من 3 الآف تعليق، وتفاعل معها المتابعين والمحبين لها ، داعيين المولى عز وجل للفقيد الرحمة والمغفرة ، ولها وللأسرة الفنية خالص العزاء .
