عمرو أديب: فيديوهات محمد على ووائل غنيم تحسسك انهم قاعدين فى سيرك.. فيديو

قال الإعلامى عمرو أديب أن :"وائل غنيم أكد أنه كان مخطئاً وأن ما حدث كان خطأ والبلد وقعت مننا وباظت وقال أنا آسف مقصدش وده اعتراف تاريخى لوائل غنيم".

وأضاف عمرو أديب، خلال تقديمه برنامج الحكاية، عبر فضائية إم بى سي مصر: "وائل غنيم رد على محمد علي في فيديو وأهانه، لأن وائل بيفهم ومتعلم والتاني مش فاهم أي حاجة ومش متعلم، ووائل اعترف أنه أخطأ في حق مصر والشعب المصري، لكن أنت يا محمد لو هديت البلد هتبني إيه.. الغريبة إنك لما تتفرج على محمد علي ووائل غنيم تحس أنك في "سيرك".

وأوضح أن الهارب محمد على:"أصبح مملا، وقرر أنه يبقى منظر يتكلم فى كل شيء، كان عنده موضوع يتكلم فيه النهاردة عمل فيديو عن داعش مالك أنت ومال داعش، قال الربيع العربى يعنى داعش وداعش هوا الربيع العربي".

وأشار أديب إلى أن: "محمد علي تاهت منه، وبقى مش عارف يعمل إيه، واتكلم عن داعش في فيديو جديد وهو ما بيفهمش حاجة عنها ومش مكمل تعليمه، ومعندهوش أي معلومات عن داعش والناس اللي كتبت ليه الموضوع كتبته غلط، وكل معلوماته عن الإرهاب وداعش النهاردة كانت غلط".

ووجه أديب خلال حلقته ببرنامج الحكاية، رسالة للمصريين قائلا: "ادخلوا على صفحات أبوسلسلة ، هتلاقيهم حطين صور أمير قطر على الأكونت الخاص بهم أو ينتمون إلي الجماعات الإسلامية".