اهتمام

كلمات: مياده الشربيني

الحياه بتبقا حلوه
لما يبقا فيه إهتمام
لما أحس إنى مهمه
وانى عندك ف الأمام
لما تليفونى يرن
وألقا صوتك فيه أحن
وانت بتقولى بحبك
ياسلااام
إوعى تقلقنى ب سكوتك
ولا عنى تخفى صوتك
لأاا إوعى
دايماً إشغلنى ب كلام
مره إحكيلي همومك
مره عيشت إيه ف يومك
مره قولى إني حبيبتك
ومره نتعارك كمان
بس إوعى تسوقلى فيها
تنسى أيامنا الجميله
ولا تعمل قال .. ناسيها
غلطتك مسؤول داويها
و تصالحنى
واشتكى إنك جارحنى
طبطبه وحقك عليا
وف دقيقه
انا اسامحك وتسامحنى
ينتهى بينا الملام
وأبتدى وياك كلام
أشغل الباقي ف يومك
وأبعد عنك أى خوف
كل كلمه أقولها ليك
وعد منى بالحروف
أوعدك إن السعاده
تبقا دايماً بين إيديك
بس إنت تكون شايلنى
وقتها جوه ف عنيك
حس بيا .. أحس بيك
وقتها تبقا الحياه
واقفه على بابى برجوعك
عكسها أموت .. دا لو
شوفت دمعه من دموعك
سهل جداً عمرنا
يتعاش بجد
سهل يتهد جدار
إتبنى بينا وسد
عمرنا بيجرى بسرعه
والسنين تتعد عد
هى بس حاجه واحده
تقوى بردو بالكلام
إن يبقا بينا دايماً
معنى لكلمة .. إهتمام .