ياسمين عبد العزيز تكشف عن سبب انفصالها عن زوجها

كشفت ياسمين عبد العزيز عن اسباب انفصالها عن رجل الأعمال محمد حلاوة قائلة: « أنا لما أعلنت الخبر كنت منفصلة بقالي سنة ومحدش كان يعرف ومحمد أبو عيالي ورجل محترم جدا .. ولازم نحترمه .. بس الطلاق كان على رغبتي .. والإعلان على الطلاق لانه جه الوقت اللي الناس تعرف فيه».
وقالت ياسمين لمنى الشاذلى فى برنامج معكم : «أنا اتعرفت على محمد وانا عندي 18 سنة وكان عايزنى اعمل اعلان لـشركته .. وعرض عليا الزواج لمدة أكثر من 3 سنين».

وتطرقت  الفنانة إلى الهجوم التي تتعرض له على السوشيال ميديا؛ من الممثلة ريهام حجاج زوجة حلاوة الحالية :« الحاجات دي مبتفرقش معايا خالص .. أنا بشوف ان البني ادم يتكلم عن نفسه بشغله .. أنا مينفعش أجرح في أبو أولادي أبدا .. علاقتنا زي الفل وبنكلم بعض .. الرجل ده على راسي وعلاقتنا أكبر من زوجين وانفصلنا ». 

واستطردت عبد العزيز : « الزعل عندي مبيخدش أكثر من يوم يوم واحد .. وفي النهاية ده أبو عيالي ومش هينفع أتكلم عليه وحش عشان عيالي لما يتفرجوا على كلامي ميزعلوش .. وأنا مش فاضية أرد على حد لأنه كان فيه حياة وانتهت وخلاص وانا دلوقتي بفكر في أولادي وشغلي».