إوعى تبكى

كلمات: ميادة الشربيني

إتوجعت وإتوجع قلبى عليكى
لما دمعه واحده نزلت من عنيكى
إتخنقتى ياحببتى
لما باعوكى اللى فيكى
إتجرحتى لما غيرو الإسم وهانوكى
إنتى مصر مهما هدو
لسه فيكى اللى بانيكى
إنتى بس إللى نضحى
بكل غالى عشان عنيكى
بس يكفينا أمانك
عمرنا يضيع عشانك
قبل مانقول يا كيانا
يتبنى مجدك كيانك
زعلوكى وقالو ماسر
حطو س وشالو ص
حسسوكى بالفريسه
اللى ليها الغدر صاد
آه خانوكى آه باعوكى
مسكو نار وولعوكى
عقلهم المريض قالهم يضيعوكى
منتشر فيهم وباء
إسمه معروف بالغباء
قال تضحى بروح فجامع أو كنيسه
للجنه ده أفضل سباق
ناس تقول الله أكبر
يتقتلو بالرشاشات
وناس ترتل فالكنيسه
يفجروهم من سكات
هو ده دليل الإيمان ؟؟
دا الحقيقه ضمير ومات
مهما قالو و مهما عادو
مهما الخاين كفره زادو
إنتى مصر إنتى درة كل عصر
إنتى نبنى فيكى كوخ
يبقى لينا بألف قصر
حضنك الدافى آوينا
التراب نفسه حامينا
دايماً إفتكرى اللى ضحو
لجل ما تكونى حزينه
إنتى كل يوم عروسه
مهرك من دم الشهيد
كل مايسيل دم واحد
يتقدملك الجديد
عرسانك يامصر زادو
واللى سافرو ليكى عادو
كل ما الخطوه بتبعد
الحنين والشوق يزيد
إوعى توجعيلى تانى
قلبى بدموعك ياغاليه
طول مافيكى قلوب تحبك
يبقى الحزن لحظه زايله
إنتى مصر (م) و (ص) و (ر) حياااه
تعرفى أنا أقصد إيه ؟؟
يعنى من غيرك نموت
حتى لو فيه زاد وقوت
يختفلنا كل صوت
بوجودك بنعيش يامصر
العمر عشانك يهون
البعد عنك جنون
الأمان بنحسه فيكى
ضمة الصدر الحنون
إوعى تانى فلحظه تبكى
إتخلق ليكى الصمود
حتى لو كام قلب خانك
قابل العطف بجحود
يكفيكى لمة ولادك
شعب واقف مع جنود
انتى مصر أم الدنيا
إنتى أصلاً الوجود.