الناس.. ١٠٠وش

كنا بنسمع زمان عن الناس اللي بوشين بس دلوقتي ب١٠٠وش الناس اللي تقولك بحبك وهي أصلا بتكرهك الناس اللي تفتكرها بتتمنالك الخير وهي من جواها بتتمنالك كل الشر بتتمني انك تقع لكن ربنا لما بيحبك بيكشفلك الناس علي حقيقتهم ناس كتير تبتسملك لكن في ضهرك يتكلموا عنك ويغدروا بيك.

كرم مني أني اعذرهم لان ده بيبقي مرض وليس علي المريض حرج جوه كل واحد فينا قصه كبيره حلوه ومره ماحدش يعرفها ماحدش يعرف الا ظاهرها بس يعرف اللي موجود اللي بتصوره علي السوشيال ميديا وانت فرحان ومبسوط بيتكلموا عن فرحك عن نجاحك عن رزقك ماحدش يعرف انت ممكن تكون مفتقد ايه ماحدش يعرف انت ممكن تكون من جواك حزين او جواك قصه حزينه مش قادر تحكيها الناس بتحكم بالظاهر الناس ب١٠٠وش تتكلم عليك سواء كنت حزين او فرحان.

حتي في حزنك ممكن يطعنوك في ضهرك وفي حياتنا هنتقابل مع ناس عباره عن دروس حياتيه لينا انت مش هتمنع الناس تتكلم عليك لكن حاول ماتتأثرش بكلامهم الناس بقيت لابسه ١٠٠قناع وكلهم مزيفين بتتلون علي حسب الشخصيات والمواقف لو عايز فعلا تعرف الشخص اللي ادامك بيتكلم عنك ولا لأ او انه بيحبك اوانسان بيغدر بيك شوفه لما يتكلم عن ناس تانيه ساعتها هتعرف هل هو إنسان صادق ولا ب١٠٠وش.