هاشتاج #حلمك_ايه يتصدر تويتر بـ27 ألف تغريدة..ومغرد ساخرا:"بحلم افتح محل كشرى واكل فيه لوحدى"
تصدر هاشتاج #حلمك_ايه المركز الثالث على موقع التدوينات القصيرة تويتر بأكثر من 27 ألف تغريدة.
تنوعت التغريدات تنوعا واسعا فمن المشاركين من تعامل مع الهاشتاج بكوميديا وسخريه فمنهم من قال" افتح محل كشرى واكل فيه لوحدى" واخر علق بـ "ابقا في برود الراجل ده هتحسن اكتر اكيد" ، ومشارك اخر كتب : انا واحد معندوش اي أحلام يعني مش باقي ع الدنيا"، تعليق اخر: " نفسي انام بالليل واصحى بالنهار زي الناس" واخر كتب:"افقد الذاكرة علشان ابدأ ع نظافة"
ومن المشاركين من تعامل مع الامر بشكل اكثر جدية وعبر عن احلامه فعليا ، والتى تنوعت ايضا بين احلام شخصية مثل :"حلمى فى زوجة صالحة تتقي ربنا فيه واتقي ربنا فيها بس "، " ربنا يرزقنى نطق الشهادة قبل مااموت قدام الكعبة"، " أن شاء الله في يوم من الايام أقدر أفتح الجالري الخاص بيا" ، " حلمي اخد اعفاء من الجيش ياباشا واتجوز بقي"، " حلمي اكون معروفة في شغلي و يكون ليا ناس تقدره من اعمالي"،" ابطل تعليم واشتغل اي حاجه بحبها " ، " حسن الخاتمة وجنة النعيم".
وهناك تغريدات عبر اصحابها فيها عن احلام عامة للبلد او للاخرين مثل :" مصر تاخد كاس الامم"،"ان الناس تبطل كدب ونفاق".
وتغريدات من نوع مختلف تميل للشاعرية مثل : " اطلع فوق عصفور ابيض كبير ونحلق ف السماء بين الغيوم زي الي ف سبيس تون وبعدها نروح سويسرا انا والعصفور"، " أن يعود بي الزمن إلى اللحظة التى توقف فيها اول مرة...لأخبرة مجددا أنني أحبه"
