مصر خدت البطولة خلاص !!!

طبعا أنا واثقة ان عنوان المقال شدكم وخضكم كمان ! بس أنا بأكد ده ! وهكلمكم ببساطة وبدون كلام معقد وجمل صعبة هنقل لكم احساسى بعد ما شفت حفل افتتاح بطولة كأس الأمم الأفريقية ...

بقلم : نانسى ماهر

طبعا أنا واثقة ان عنوان المقال شدكم وخضكم كمان ! بس أنا بأكد ده !

وهكلمكم ببساطة وبدون كلام معقد وجمل صعبة هنقل لكم احساسى بعد ما شفت حفل افتتاح بطولة كأس الأمم الأفريقية ...

شفت بجد المصريين اللى بيحبوا مصر من أول الأطفال للشباب للكبار للبنات للسيدات وحتى اللى بنقول عليهم عواجيز ...

الكل بيتسابق ازاى يشرفها ؟...

ازاى نستقبل ضيوفنا ونكرمهم ؟...

ازاى نخللى العالم كله يتكلم عن شطارتنا وكفائتنا ؟...

فى الوقت اللى قنوات ودول الارهاب قايمين نايمين على كره مصر والتقليل من شأنها !

أراد ربنا رفع شأنها بأيدين ولادها ... ونفس الصحف اللى هاجمت مصر ... هى اللى كتبت عنها احلى كلام بعد حفل الافتتاح !

عرفتوا ليه بقولكم ( مصر خدت البطولة خلاص ) ؟!

خدناها لما شرفناها أمام العالم كله ...

خدناها لما نسينا خلافاتنا وحطينا ايدينا فى ايد بعض عشان نبنى ونعلى ونزين شوارعها ...

خدناها لما استقبلنا ضيوفنا بأحلى ابتسامة وأفضل خدمة وأجمل ضيافة ...

عشان كده هفضل أقول ...

البطولة مش كأس

البطولة

هى حب وتقدير وتكريم العالم والناس ...