ريهام سعيد تفجر مفاجأة بشأن دينا الشربيني وعلاقتها بعمرو دياب .. فيديو

أكدت الإعلامية ريهام سعيد، أن الفنانة دينا الشربيني دخلت السجن، وقالت: "اشتغلت ممثلة وكلنا أُعجبنا بيها وكانت طالعة زي الصاروخ، وفجأة اتهمت في قضية وراحت السجن".

وأضافت ريهام سعيد، خلال تقديمها برنامج "صبايا"، المُذاع عبر فضائية "الحياة"،: "دينا الشربيني مُلهمتي، وأنا بحبها من غير ما أشوفها ولا أعرفها»، مستطردة: «دينا اتسجنت سنة، والسجن حاجة وحشة أوي فوق ما أي حد يتخيل، وبعد ما خرجت من السجن قررت المهن التمثيلية منعها من التمثيل، وفضلت موقوفة عن التمثيل فترة كبيرة وكانت لسة صغيرة".

وتابعت.. "فجأة اقترن اسمها بفنان مشهور وهو عمرو دياب، وأيا كان هما عايزين يصرحوا بالعلاقة ولا لأ، بس ممكن نقدر نقول بينهم ارتباط فني زي ما دينا صرحت إنه بيدعمها وإنه لما بيمسك أي حاجه بتتحول لدهب".

وأضافت.. "كل الناس بتتكلم عن دينا بعد ما كانوا بيتريقوا عليها، وحالياً مفيش حد مش بيتكلم عن نجاح دينا الشربيني، عملت أدوار حلوه وأخرها ماليكا السنة اللى فاتت, والسنة دى دور نور فى مسلسل زى الشمس اللى اتعرض فى رمضان، ودوام الحال من المحال".