أحسنوا الظن
هو احنا ليه دايما بنسئ الظن باللي حوالينا سواء كان قريب او غريب ليه مابنلتمس الأعذار لبعضنا من اول الأشخاص الغريبه عننا ومانعرفش
بقلم - صابرين جابر:
هو احنا ليه دايما بنسئ الظن باللي حوالينا سواء كان قريب او غريب ليه مابنلتمس الأعذار لبعضنا من اول الأشخاص الغريبه عننا ومانعرفش عنهم أي حاجه بس ممكن نشوفهم واحكم عليهم وأنا أصلا ماعرفهمش لما واحده تبقي قاعده جمب سواق التاكسي واحكم عليها انها مثلا ازاي تعمل كده مش ممكن تكون اخته او زوجته.
لما واحد ماتعرفهوش وتقوله السلام عليكم ومايردش تقول يااااه ده شخص وحش لانه ماردش السلام مش ممكن يكون مش بيسمع وأمثله منها كتير بسوء الطن بالناس وكمان مع أقاربنا برده بنسئ الظن لازم نتأكد دايما ونتحقق من أي كلام قبل مانسئ الظن باي شخص.
وبسبب سوء الظن كرهنا بعضنا البعض ليه دايما بنشوف تصرفات الاخرين علي غير حقيقتها ونحمل هذه التصرفات او الأقاويل المحمل السئ وهذا الشخص لا يمكن التعامل معه ماتحاولش تفسر او تدقق في كل كبيره وصغيره ياما اتظلموا ناس بسبب سوء ظن اللى حواليهم مشاعرنا فعلا ممكن تتغير لمجرد معرفتنا لفهم الموضوع لا تتسرع علي حكمك علي الأمور او علي أشخاص او علي مواقف ابتعد دايما عن سوء الظن والتمسلهم الأعذار دايما نقي قلبك من سوء الظن وأحسنوا الظن دايما اكيد الحياه هتبقي اجمل.
