عمرو الليثى يُقدم عمرات ويساعد غارمات ويٌجهز عرائس فى " رمضان الخير " بنجوم اف ام
قام الاعلامى د. عمرو الليثى فى الحلقة الاولى من برنامج " رمضان الخير" باذاعة نجوم اف ام بتقديم عمرة لاول متصل بالبرنامج ومفاجات مختلفة للمستمعين منها تجهيز عرائس ومساعدة غارمات ، كما تتضمن البرنامج مداخلات تليفونية لعدد من المستمعين وللشيخ رمضان عبد المعز .
وقال الليثى فى مقدمة الحلقة الاولى اننا كنا معكم من خلال برنامج رمضان الخير اننا مستمرين خلال هذا الموسم من البرنامج فى عمل الخير وتقديم العمرات ومساعدة المحتاجين كما كنا خلال الموسميين الماضيين ووصلنا الى كل انسان وساعدنا فى تحقيق حلمه مثل العمرات والمشروعات الصغيرة وزواج اليتيمات وتسديد ديون الغارمين .
ووجه الليثى نداء الى مستمعى رمضان الخير الى التواصل مع البرنامج وعندنا مفاجأت كتير فى الموسم دة هنحاول نصلح بينكم ونساعدكم تعبروا عن حبكم للناس اللى بتحبوهم فى رسايل الخير وكمان نسمع كل قصص كفاحكم.
واضاف الليثى أكيد أول يوم رمضان له ذكريات وحكايات عند كل واحد فينا ، ورمضان مش بس أفضل شهور السنة لأن ربنا كرمه بليلة القدر اللي هي خير من ألف شهر/ ولكن رمضان بيعتبر شهر خاص جداً عند المصريين بالذات لأنهم على مدى تاريخهم احتفلوا بيه بالأغاني والفوانيس والولائم والعزايم والسهر حتى الفجر/ مش بس كده وعملوله فوازير ومسلسلات وبرامج مخصوص في الاذاعة والتليفزيون وبنفضل نجهزها ونستعدلها قبل رمضان بشهور.
يعني تقدروا تقولوا ان العالم الاسلامي كله بيعيش شهر رمضان بشكل معين / والمصريين بيعيشوه بشكل وطابع تاني خالص../ رمضان في مصر شهر بهجة.. وحب.. وتكافل وتعاطف وتصالح مع الناس ومع النفس/.. وكل يوم وانتم بخير في رمضان الخير..
