جماهير الأهلى على السوشيا ميديا: "فريقنا أصبح خارج نطاق الخدمة"
خيم الحزن على جماهير الأهلى عقب هزيمة الفريق امام بيراميدز للمرة الثانية واسقاطه من على القمة وعودة الزمالك من جديد لاحتلال صدارة الدورى العام موسم 2018/ 2019.
عقب انتهاء المباراة بهزيمة الأهلى امام نظيره بيراميدز بهدف دون رد، شنت الجماهير الأهلوية هجوما عنيفة على لاعبى الفريق الذى خزلوهم للمرة الثانية، فى المباراة التى جمعت الفريق على ملعب بتروسبورت بالتجمع الخامس ضمن مؤجلات الأسبوع الخامس والعشرون.
قال سعيد مقبول:"بلاش بقى نتلكك على التحكيم أو أى حجة تانيه.. فريقنا أصبح خارج نطاق الخدمة، دى الحقيقة ولازم علاج جذرى" من إدارة النادى.
وغرد احمد عماد، عبر هاشتاج "الأهلى – بيراميدز" الذى تصدر الأكثر تداولا فى مصر عبر تويتر:"اللعيبه بتضيع فرص متضيعش أبدا وبيعملوا غلطات فى ماتشات متتعملش أبدا من لاعب الأهلي مش شماعة يا جماعة تحطوها للمدرب ولا الخطيب وساعة ترفعوهم السما وساعة تنزلوهم الأرض فكروا بعقل بس شويه".
وأضاف عمرو احمد:"اتغلبتوا خمسه، قولنا معاكم، شجعناكم دعمناكم، ساندناكم، خرجتوا من أفريقيا، وقولنا وراكم يوم الخميس هتراضونا، هتعوضونا" وأما جه الخميس، خذلتونا، وكسرتونا وهتموتونا خلاص" وغرد أخر، قائلا :"الدوري صعب و لسه المشوار طويل ، لعيبة الزمالك رغم الصعوبات عندهم فرصة يعملوا موسم تاريخي . حتى لو خسرنا نقط لازم نقوم أسرع لان غيرنا هيخسر نقط و كتير . .الماتشات السهله هتغير كتير الماتشات الجايه".
ووجه أشرف، رسالة إلى الكابتن محمود الخطيب، عبر تغريدته، قائلاً :"أحنا تعبنا بجد ايه اللى بيحصل فينا ده فين الأهلى فين الأهلى حرام عليكم أنا فى حياتى مشفتش الأهلى بشكل ده يا خطيب لازم لاسرتى يمشى ولازم عقوبات شديدة على لاعبين حرام عليكم جمهوركم عملو كل حاجه عشان خطركم لازم عقوبات ولازم لاسرتى يرحل".
وكتب اسلام" أول مره أحس أنى مش واثق فى لاعيبه الأهلي أول مره أحس إن الأهلي مهزوم من لاعيبته قبل المنافس لاعيبه كتير متخاذلة لازم موقف من مجلس الإدارة تجاه المدير الفني والاعيبة".
