فى بيتنا القدي

شيء جميل فيه ذكريات الصغير والكبير فى حكاوى تاريخ وروايات عن معان الحب فى الزمن القديم فى حكم وكلام مواعظ

بقلم / عبد الجواد حربى

شيء جميل فيه ذكريات الصغير والكبير
فى حكاوى تاريخ وروايات
عن معان الحب فى الزمن القديم
فى حكم وكلام مواعظ
وضحكه صافيه وحلم جيل

كان لينا وقت بنجتمع وكلام كتير
الفطره كانت كل شيء
والرحمه والخير من كل بيت
هدوء بيشملنا بساعده
ورغم ان الحاله عادى
مفيش غنى فاحش وطاغى
ولاحتى فقر قاتل أو خنيق
كان فيه ترابط مستمر
الكل عارف مين جيرانه
الكل بيشارك بقلبه قبل ماله فى اى خير
رغم أن حالة الناس بسيطه
علمونا شيء جميل
علمونا ان الغنى غنى النفوس
والرضا بالعيشه والحال
مش كترة فلوس
علمونا ان الأصول
مش شرط تبقي ابن ناس ساكنه قصور
الأصول انك تكون انسان بيعرف يصون
يعرف يشارك هم غيره ولاعمره يخون