صبيه

صبيه وعمرها عقدين
صبيه وفى وصفها
يتقال
دا بدر منور بليل فى الكون
وشمس بتبتهج بالنور
واقفه ع الأمل بتدور
لكنه الأمل مسروق
ورغم صعوبة القصه
بتتحمل وبتكمل
طريق أحلامها من فتره
تعيد القصه من تانى
واحداثها كثير تانى هتتكرر
ولكن رغم أنها لسه
فى أول عمرها صبيه بتتأثر
برياح مليانه بالتغيير
تعدى الازمه وتعافر
وتكمل وتسافر
لحد ما حلمها توصل
صبيه وعمرها مليان
حكاوى وقصه تتأثر
اكيف حروفنا مكبوته
ولو نطلق عنان الخط
جميع اقلامنا تتكسر
صبيه وحلمها ناصع
وعمره ف يوم هيتأثر
صبيه وفى وصفها خيال
لجمال الوجه والمنظر