أسامة كمال يطالب المصريين بالتمسك بالإيمان والعمل
حث الإعلامي أسامة كمال، المصريين على الإيمان بالعمل، مضيفا "نريد ناس مؤمنين بفكرة العمل مش الناس المؤمنين بفكرة اللقطة الحلوة والمظهرة والمنجهة، لأننا من يوم ما حليم قال كلنا كدة عايزين صورة والناس جريت ورا الصورة".
وأضاف في برنامجه "مساء dmc"، مساء الاربعاء، أن" الصورة النهاردة ممكن يبقى شكلها حلو بس مابتسيبش للشخص دة ميراث الناس تفتخر بيه.. الناس اللي بتفهم وبتقدر وعندها روح الاعتراف بالجميل بتقول المسئول دة عمل والشخص دة سوى، من باب الاعتراف بالجميل والتقدير".
وتابع كمال" شوفوا كم الصفحات اللي النهاردة بتترحم ع الرئيس السادات رحمه الله بعد 37 أو 38 سنة، مع ان عموم المصريين وكل العرب لعنوه في حياته وفي لحظة رحيله، عمله فضل لينا وكنا نتمنى انه يكمل مسيرته لكن الأعمار بيد الله والخيانة هي طبيعة الجماعات الارهابية".
وأشار كمال إلى أنه " لو كل واحد أخلص النية وخرج مصلحته الشخصية من المعادلة هننجح كلنا ولو بقيت المصالح اياها وتسوية الخلافات المبنية على ولا حاجة كل الجري اللي مصر جريته من 2013 هيروح هدر".
