سائق القطار يعترف: أنا المسئول عن الحادث عشان سبت الجرار ونزلت اتخانق مع زميلى.. فيديو
أدلى علاء فتحى سائق القطار المتسبب فى كارثة التصادم بمحطة مصر باعتراف خطير قائلاً:" أنا المسئول عن الحادث عشان سبت الجرار ونزلت اتخانق مع زميلى".
وأضاف علاء فتحي، خلال حواره ببرنامج "كل يوم"، مع الإعلامي وائل الإبراشي، عبر فضائية "ON E"، أثناء عملي المعتاد وفى تقاطع في السكة الحديد اصطدم بي جرار آخر.
وتابع: "الجرار التاني كان بيخبط فيا.. واحد كان موجود في الجرار اللي خبط فيا والمفروض اتنين، لأن لو التاني كان موجود كان نبه مني".
ولفت سائق القطار، إلى أنه ترك الجرار ونزل للسائق الآخر للعتاب عليه مما حدث وأثناء حديثهما ترك القطار بمفرده واصطدم بالمحطة، وتابع: "أنا لما نزلت قلت له أنت غلطان وهو بيقول لي أنت غلطان.. الجرار مشى إزاي أنا مش فاهم".
