مروة العشرى .،وقعت فى غرام عرايس الاميجرومى

انا اسمي مروه العشري صيدلانيه من المنصوره أم ل ٣ اطفال هوايتي الكروشيه كنت بعمل لعيلتي واولادي وبفرح بفرحتهم دايما لحد لما شوفت العرايس الاميجرومي وقعت في غرامها وكانت فرصه بالنسبالي اني في هذه الفتره اخدت اجازه من الشغل وقررت اني اعمل عروسه لبنتي اتفرجت على فيديوهات كتير على اليوتيوب وحاولت لحد لما عملت اول عروسه كانت بدائية جدا بس كانت خطوه على أول الطريق وبعدين التانيه عملتها كانت احسن وبعد كده اخدت كورس مع مدام زينب القاضي ومن خلاله اتعرفت على أعضاء الفريق والحمد لله بعد لما وصلنا إن يكون شغلنا محترف وبجوده عاليه قررنا ننظم مع بعض اول معرض لينا ونشوف رد فعل الناس على العرايس والحمد لله كان احساس رائع لما تشوفي كميه الانبهار في عنيهم ان العروسه المعروضة هاند ميد ١٠٠٪ كل واحده بشكل وروح مختلفه عن التانيه. واتمنى إن تكون في عروسه مع كل طفل من اجل ان يتمتعو بجمالها وتعيش معاهم لاولادهم واحفادهم ويحكو قصه حبهم ليها