بالتفاصيل والصور.. هجوم حاد على ميار الببلاوى.. والفنانة ترد " ربنا يشفى"

نشرت الفنانة والإعلامية ميار الببلاوى صورة تجمعها بالاعلامية هبه عادل على قناة نايل دراما, وعلقت على الصورة قائلة "مين شاف الحلقة".

وارتدت ميار فى الحلقة جاكيت أحمر وممسكة بيدها سبحة حمراء, مما أثار عدد كبير من متابعيها وقالوا " وايه لازمة السبحة فى إيدك كنتى بتسبحى فى الحلقة".. " السبحة لون المانكير ههههههه" " السبحة دى للدعاية ولا طالعة بيها ع الهوا ليه".. "ماسكة سبحة ههههههههه".. فردت ميار " اه فى اعتراض يعنى مش ماسكة ازازة خمرة ولا سيجارة وربنا يشفى"..

وتابعوا " ليه ياجماعه الاسلوب ده الذين يذكرون الله قياما وقعودا وعلى جنوبهم خدوا رسولكم قدوه كان صل الله عليه وسلم وهو يتحدث مع الصحاب يسبح ويذكر الله وهى فنانه جميله محترمه عمرنا ماسمعنا عنها غير كل خير".. " ياميرو الجميلة ... حبيبتي... ماتستهلكيش طاقتك وتردي على كل جملة ... تلات ارباع الجمل للتافهين لاستفزازك واستنفاذ طاقتك ... من فضلك ... خلي بالك على روحك وماتعمليش كدة ".. "ربنا يسعدك هو اللي ماسك سبحه مش عاجب واللي قالع عاجب ربنا يصلح حالنا".