جوا منك

بقلم / عبد الجواد حربى

جوا عمرك عمر تانى
عمر عايش ع المعانى الحلوه فيك
عمر واخد من عنيك احلى ابتسامه
وعمر تانى كل حزن وخوف وضيقه
عمر ضايع بالامانه ومحسوب عليك
وعمر تانى وانت بتفكر فى حالك
ايه جرالك فى السنين
وعمر ضايع منك وعمر مش محسوب عليك
كنت موجود بس بس عايش من خيالك وفى خيالك ... لحظه ليك
وقت سارح جوا احلامك
وعمر بيقولك ... هوا عمرك ومحسوب عليك
عش حياتك عيشه واحده
حب فيها وعيش كريم
خللى الامل مايضيعش منك
واوعاك تسلم للخيال
ليسرق عنيك
كل دا لحظات تعدى
وعمرك انتا قدام عنيك
راجع حياتك
وخاف بلحظه
ينتهى منك وبيك