تفاصيل الحرب بين ريهام سعيد وسما المصرى

انتقدت الفنانة سما المصرى, الإعلامية ريهام سعيد بعد اتهامها لها بالتورط فى قضية "فتاة المول".

وقالت سما عبر حسابها على انستجرام "بتاعة العفاريت دى بتقول إنى أنا اللى زقيت عليها فتاة المول, وأنا اللى افتعلت القصة, هو أنا قلت لك انشرى صورها؟ ولا أنا اللى قلت لك اسرقى صورها من على تلفونها ؟ وموضوع إنى أخدت فلوس منك طبعا أخدت تعويض على اهاناتك لى لما 10 الاف جنيه ومجتش البرنامج, اخجت منك بدل قلتى انى أخدت الاف أضعاف أضعاف الفلوس دى, طيب مش انتى مصورانى طيب يلا انشر الفيديو بأة علشان الناس تتفرج على وأنا ذلاكى, ولما أنا متورطة مروحتيش تشتكى ليه, ولا خايفة تتحبسى تانى, هو السؤال بقى انتى دفعتى لى أنا وفتاة المول ليه لما انتى معاكى الحق كده, مش الغلابة كانوا أولى بالفلوس دى يا بتاعة الغلابة, فرحانة انتى أوى انى قلبتك فى فلوس يا حاجة, ما هو انا وراكى وراكى".

وكانت الإعلامية ريهام سعيد قد وجهت اتهاما خطيرا للفنانة سما المصرى, ونشرت، عبر حسابها على فيس بوك تفاصيل جديدة عن قضية "فتاة المول" التي بدأت أحداثها منذ 4 سنوات، وأكدت أن سما المصرى متورطة فى هذه القضية.

وقالت إن سما تتحدث فيه عن علاقتها بفتاة المول، وكتبت ريهام: "بقالي 4 سنين الناس ظالماني وعارفة إني لو قلت محدش هايصدق وإنتي انهارده جيتي نصفتيني, واعترفتى أدام كل الناس إن إنتي اللي زقيتي علي فتاة المول وعملتوا مقلب الصور عشان تاخدوا 2 مليون جنيه إنتي مليون وهي مليون شقايا وتعبي، أيوه دم قلبي ومش مسامحه فيه، فكره إني قعدت تحت رجليكي محصلش إنتي اللي كنتي جايه هاتموتي على الفلوس وكله متصور".

وأضافت: "متشكرة إن أخيراً الناس هاتعرف انتوا عملتوا في إيه، واتظلمت إزاي أنا عمري ما أذيت نملة.. أخيرا مصر كلها هاتعرف الحقيقة. نصيحة.. اتقي الله عشان أخرتك وحشة أوي أوي، فذرهم يخوضوا ويلعبوا حتي يلاقوا يومهم الذي يوعدون، صدق الله العظيم.. في كل صلاة هادعي عليكي وعليها .. حسبي الله ونعم الوكيل من قلبي".