حسن تعرض للتنمر والضرب بمدرسة المنصورة كوليدج ..وادارة المدرسة خارج الخدمه

استغاث والدة بالجمهورية اون لاين

قرر على عبدالرؤؤف وكيل وزارة التربية والتعليم بالدقهلية تشكيل لجنه برئاسة عصام عمارة مدير التعليم الخاص بالمديرية لتحرى حقيقه تعرض طفل بالمرحله الابتدائية للتنمر والضرب والتنكيل بمدرسة المنصورة كوليدج بالمنصورة

قرر على عبدالرؤؤف وكيل وزارة التربية والتعليم بالدقهلية تشكيل لجنه برئاسة عصام عمارة مدير التعليم الخاص بالمديرية لتحرى حقيقه تعرض طفل بالمرحله الابتدائية للتنمر والضرب والتنكيل بمدرسة المنصورة كوليدج بالمنصورة والوقوف على ما يجرى واتخاذ كافه الاجراءات القانونية .

استغاث والد الطفل حسن احمد حسن خالد حماد ب ( الجمهورية اون لاين ) لتصل معاناه طفله لوزير التربية والتعليم وكافه الجهات الرقابية المسئوله عن حماية الاطفال بالمدارس الخاصه التى اصبحت مرتعا للتنمر وممارسة البلطجه والسطوة على الاطفال.

وقال انه منذ بداية العام الدراسى يتعرض ابنى لكل انواع الضرب والتنكيل اثناء استقلاله أتوبيس المدرسه من خمس أولاد منهم اثنين بالصف الثالث الاعدادى وواحد بالصف السادس الابتدائى لان الاتوبيس بخط السير وليس بالمرحله و فى المرة الاولى رجع ابنى يبكى من المدرسة واخبرنى بان ٣ طلاب اكبر منه قاموا بتناوب ضربه على ( قفاه ) امام المشرفه بالباص والتى لم تتدخل لرفع الاذى عنه وحمايته منهم لصغر سنه وعدم قدرته على الدفاع عن نفسة وعندما ذهبت للشكوى لدى ادارة المدرسة لم تتخذ اى اجراء بل على العكس كانت فى منتهى البرود والسلبيه جاء رد المشرفه امام المدير انها نادت عليه وقالت له تعالي واجلس بجانبى وكان رد الادارة تغيير المشرفه دون معاقبه الاولاد او حتى عمل استدعاء لاولياء امورهم ..وبعد فترة قصيرة عاد ابنى من المدرسه وجسمه ملئ بالكدمات ومرعوب من ركوب الباص بسبب اللي هيحصله فيه من هؤلاء الطلاب وقدمنا شكوى كتابيه و طلبنا فيها حضور أولياء الأمور لوضع حل ضد المهزله اللي بتحصل دي و كانت النتيجه ان مدير المرحلة جاب اتنين منهم واتاسفوا عنده في المكتب ومحصلش اي رد عليا نهائي قولت احاول اخليهم أصحابه وجيبت شوكلاته وقولت لابني يوزع عليهم وكانت النتيجه انه انضرب تاني والأولاد وصل بيهم الحال انهم بيصوروه وهما بيضربوه ولما اشتكينا قالوا ازاي هنتصرف.

خشيت إدارة المدرسة من أولياء الأمور اذا تم معاقبة اولادهم و ركنت الشكوى و كأن شيئاً لم يكن والمدرسه قررت انها مشكله تافهه و هتحلها وللاسف انضرب المره الثالثه ولما روحت لمدير المدارس اكتشفت انه ليس علي اي درايه بالمدرسه اساسا والا بالشكاوى الي فاتت اكتشفت ان الولاد عندهم حق في اي تصرف واكتشفت ان أولياء الأمور بيستخدموا سياسه العين بالعين وكان ردهم جمع القرايب في المدرسه وهاتوا حقه ..طب عقاب الاولاد ايه ؟ ..ابني مبقاش مؤمن بان فيه غلط و عقاب وبقى مكسوف من أخته اللي أصغر منه و بقى بيضربهاو راجع لي من المدرسه جسمه مليان كدمات من كتر الضرب و بقى خايف يركب الاتوبيس باعتبار انه بيت رعب وبيتعرض فية للتنمر بشكل واضح و صريح وبقى بيحلم بكوابيس بالليل و
يقول ابعد عن دراعي بيوجعني وابني بقى القهر في عينه بسبب اللي بيحصل فيه في المدرسه وبقي يمارس الضرب علي الضعيف. واكتشفت ان المدرسه ماشيه بنظام العصابات واتمنى وضع حد لامثال مثل هؤلاء الطلاب لانهم مشروع بلطجية وحتى ياخد ابنى حقه ويعلم جيدا انه يوجد قانون ورادع ونحن فى دوله ولسنا فى غابة ..
اضاف ان اللجنه التى قرر وكيل الوزارة بالدقهلية تشكيلها لن تضع حد لمشكله ومعاناه ابنه بالمدرسة لان التعليم الخاص يتبع الوزارة وليس المديرية التى ليس لها اى صلاحيات عليهم وانه اكتشف ان ابنه واحد من الكثير من الاطفال الذين يتعرضون للتنمر والضرب وكافه اشكال الاهانه داخل المدرسة .
اختتم بانه قام بتحرير محضر برقم ١٢٤٥٤ ادارى طلخا اليوم لحفظ حق ابنه القانونى