صالح جمعه يكشف سر نصحية صلاح له

كشف صالح جمعة لاعب النادى الأهلى سر نصحيه اللاعب المصرى محمد صلاح له, حيث قال له: " لازم تخطط لحياتك عشان تنجح وتتألق، وأنا كنت في حياتي بلا هدف ".

وأضاف "صلاح قبل ما يسافر بازل قالي انا هسافر بازل وبعد سنه هكون في الدوري الأنجليزي وهيجيلي عروض من ليفربول وتشيلسي وانا هختار ليفربول ..ودلوقتي هو رقم واحد في الدوري الأنجليزي وربنا معاه في اللي جاي".

وتابع .. كنت بدخل الأوضة علي محمد صلاح كنت بشوفة بيكتب ويقطع الورق وكان بيقولي ياصالح انا كتب أهدافي اللي نفسي أحققها .. قالي يا صالح لازم يكون ليك هدف ولازم تحققه وتحقق طموحاتك .. ومن وجهه نظري محمد صلاح من الشخصيات العظيمة اللي قابلتها في حياتة وهو شخص متواضع جداً.

وقال: هدفي في الموسم المقبل.. الفوز بأفضل لاعب في مصر والمنافسة على أفضل لاعب داخل القارة.