شهداء الوطن ..
لملموا أشلاء جنودنا
إللي ماتوا
عالحدود
بقلم - علاء عثمان:
لملموا أشلاء جنودنا
إللي ماتوا
عالحدود
وارسموا بالدم صوره
واكتبوا قصة وحكايه
تحكي أمجاد الجدود
دمكم يا ولادنا أبدا
مش راح يضيع
أو راح يهون
دمكم لازم يكون
البارود
إللي يقتل في الكلاب
وإللي يقفل كل باب للخراب
اهتف يا مصري قوم وقول
دم الشهيد مش راح يهون
والوطن مش راح يزول
عبدالحميد
جت له حاله م الذهول
من لحظة كان شايل سلاحه
بيحكي همه لصاحبه
وبيشكى ف جراحه
وقبل ما يكمل كلامه
فجأه الرصاص
غطى المكان
الأمل أصبح ألم
والحلم بقي دم وعدم
وصاحبه بقي سايح في دمه
بالغدر وضمير اتعدم
يا حسرتي علي دم صاحبي
يا حسرتي
علي كل خاين للوطن
كنت مستني الرصاصه
من عدو .. إسرائيلي
لقيتها جاتلي من ظهيري
ارهابي إجرامي
داعشي تكفيري
كان في يوم
اسمه مصري
ومصيره كان نفس مصيري
ياحسرتي علي كل مصري
باع ضميره
لكل ارهابي قذر
داعشي تكفيري
