أشرف عبد الباقي يدعم سامح حسين بعد نجاح برنامج "قطايف"
حرص الفنان أشرف عبد الباقي على توجيه رسالة دعم وتشجيع لصديقه الفنان سامح حسين حيث قام بنشر عدد من الصور التي جمعتهما من أعمال مختلفة وعلق قائلًا: سامح حسين عامل برنامج حلو قوي اسمه قطايف .. وسامح بعتبره اخويا الصغير .. من يوم ماقابلته وهو عامل معايا دور صغير في مسرحية اسمها حلو وكداب شفت انه هايبقي ممثل كوميدي شاطر .. وكان بيعمل مجهود كبير في اكتر من مجال جنب التمثيل.
تابع: شاب جدع ويعتمد عليه .. ولما اتعرض عليا فيلم لخمة راس رشحته واتقابلت انا وهو واشتغلنا علي الشخصية وحقق نجاح في الدور وده شجعني ارشحه في راجل وست ستات .. وبعدها ربنا كرمه لمجهوده وحبه للشغل وانطلق بعدها".
أضاف: ووقت ماكنت بعمل مسرح مصر اتفقت معاه انتجله مسرحية للاطفال اسمها علي بابا وبرضه كان قد الثقة .. وحالياً لقيته عامل برنامج علي السوشيال ميديا هايل وهادي ومناسب جدا لرمضان .. الف مبروك النجاح ياابو السماميح.
