خطوات عمل سمك ماكريل بتتبيلة مميزة

تعد سمك الماكريل من اشهى المأكولات البحرية الذى يتمتع فوائد غذائية عالية كالاوميجا 3 بالاضافة الى مذاقة الشهى ..اليك خطوات تحضيره فى السطور التالية.

المكونات

ملح

فلفل اسود

کمون

شطة

كزبرة ناشفة

ثوم مفروم

فنجان زيت فنجان القهوة

فنجان عصير ليمون (فنجان القهوة

كزبرة خضرة مقطعة صغير

شرايح رفيعة فلفل الوان احمر واصفر

واخضر

جزر شرایح
طريثة التحضير

اول خطوة هى غسيل السمك ... هنغسل السمك بالماء ونتأكد اننا قمنا بإزالة اي شوائب فى بطن السمكة وهننقعه فى ماء وعصير ليمونتين وهنترك قشر الليمون فى ماء النقع ووظيفته انو بيمتص اى زفارة موجودة في السمك هنسيبه منقوع نص ساعة وبعدين هنرمى الماء ده ونصفى السمك كويس ونبدأ نشتغل بيه

في بولة واسعة هنضع عصير الليمون والزيت والتوابل والثوم والكزبرة الخضرا ونقلب جميع المكونات وبعدين نتبل السمك من من الداخل والخارج بالتتبيلة حتى تكون السمكة متبلة جيدا واخدة طعم التتبيلة تمام وباقى التتبيلة هنحط فيها الخضار اللى مجهزينه ونقلبه في التتبيلة كويس علشان هو كمان يبقى متبل وطعمه

حلوى هنحط شوية من الخضار في الصنية من تحت علشان نرص السمك عليه - ونبدأ نحشى بقى السمك بالخضار المتبل ده ونقفل السمكة ونرص السمك فى صنية ولو اتبقى خضار متبل نوزعه فوق السمك عادى

هندخل الصنية فرن سخن درجة حرارة 180 الرف اللى فى النص لحد ما السمك يستوى وبعدين نفتح عليه الشواية ياخد لون حلو كدة ونقدمه مع رز او بالعيش مع شوية سلطة خضرا وسلطة طحينة