دينا عن سر رشاقتها:باكل مره باليوم وبعمل صيام متقطع من عمر 15 سنة

حرصت الفنانة دينا على توجيه بعض النصائح للسيدات كشفت من خلالها كيف تحافظ على رشاقتها.

وظهرت دينا في فيديو عبر حسابها على إنستجرام وتحدثت عن أن البعض يقول عنها إنها كبرت في العمر لكن في نفس الوقت لا يظهر عليها السن.

وقالت دينا: "أحيانا بيقولوا حاجات تضحك بيقولوا إنتي كبرتي يا دينا ويقولوا إنتي مبيبانش عليكي الكبر ليه، مببقاش فاهمة ببقى ضايعة بين الاتنين، هو أنا كبرت ولا مبيبانش عليا الكبر أنا مبتأثرش أوي".

باكل مره فى اليوم وبعمل صيام متقطع من عمر 15 سنة

وأضافت دينا: "إنما أنا مش معترضه هو أنا كبرت بجد ومبيبانش عليا الكبر، ليه إيه السبب أنا شخص من وأنا عندي 15 سنة لحد النهاردة عمري ما نمت وفي وشي مكياج وعمري ما حطيت كريم بالليل والنهار، عمري ما ملعبتش رياضة يا برقص يا بلعب رياضة، مباكلش غير مرة في اليوم طول عمري الصيام المتقطع اللي طالعين فيه جديد دا بعمله من وأنا عندي 15 سنة".

بحب نفسي أكتر من أي حد في الدنيا

وتابعت دينا: "أنا شخص مبيحبش الأكل بحب طبعا نعمة ربنا بحب كل أصناف الأكل إنما مفيش حاجة عندي أحسن من نفسي بحب نفسي أكتر من أي حد في الدنيا فبالتالي بقدر أحافظ على نفسي إني أقدر أوصل لسن معين وأنا محافظة على نفسي مبزعلش إنك بتقولوا كبرتي لأن دي حقيقة مش مضايقاني في حاجة خالص ويارب توصلوا لسني وتبقوا زيي".