ميس حمدان: الرجولة لا تتجزأ وأكره الرجل المهزوز

كشفت سر قصر عمر الزيجات

تصدرت النجمة ميس حمدان التريند على جوجل، وذلك بعدما كشفت سر قصر عمر الزيجات.

وقالت ميس حمدان: "في أسباب كتيرة، إحنا كأمة بعدنا عن ربنا كتير وأنا منهم، مش متمسكين وعايزين نكتفي بشخص واحد، وثانيا الإغراءات بقت عالية جدا، والسوشيال ميديا خلت مفيش حد راضي باللي عنده وكله عايز أحسن، والنسوان مش سايبة الرجالة في حالها ولا الرجالة سايبينهم، وكل واحد طول الوقت عايز حاجة جديدة تزغزغه".

الرجولة لا تتجزأ

وكشفت ميس حمدان رأيها في معنى الرجولة قائلة: "الرجولة لا تتجزأ، والذكر حاجة والرجولة حاجة مختلفة، إنت عايزة الراجل المحترم الأخلاق اللي بيخاف ربنا، والسند الطموح اللي بيعرف يتصرف وياخد موقف، وأنا عايزة كل ده".

أكره الرجل المهزوز

وأشارت ميس حمدان إلى صفة لا تحبها في الرجل قائلة: "أنا بكره الراجل المهزوز اللي لا يعترف بنقاط ضعفه، ومش بيعرف ياخد قرار، الراجل ده بيهبط من نظري هبوط فظيع".