"كفاية فراق" لمسلم تتخطي 500 ألف مشاهدة فى 5 أيام على يوتيوب
نجحت أغنية "كفاية فراق" للنجم مسلم فى تحقيق 518 ألف مشاهدة على يوتيوب، وذلك خلال 5 أيام من طرحها.
أغنية "كفاية فراق" تعتبر الثامنة من ألبوم مسلم الجديد، ويقدم من خلالها صورة الشعور بألم البعد والفراق عن الحبيب.
وهو الألم الذى يسيطر علي حزن الإنسان وعلى قلبه ويجعله في حالة نفسية غير مستقرة.
أغنية "كفاية فراق" كلمات عمرو المصرى، وألحان محمود أنور، وتوزيع موسيقى، هشام البنا.
وتقول كلمات أغنية "كفاية فراق":
و بكتبلك رسالة حب على الاوراق
و مضمونها كفايه فراق
دا قلبي بيتوجع جدا
حبيبي تعبت من الاشواق
و ببعتلك مع الليل اللي لسا حزين
و قلبي اللي اتقسم نصين
بحن لكل تفاصيلنا
ياريت حالا ، نكون راجعين
ف اسمعني
علشان قلبي بيوجعني
فراقنا فاد ب ايه يعني
عذاب بالبطء يقتلني
و كلمني ..
و رد عليا ، فهمني
بلاش بالبعد تظلمني
فراقك شئ بيرعبني
و بسرح ف اللي كان بينا ليالِ طوال
و اشيل فوق كتفي حمل جبال
لا انا عارف اكون جنبك
ولا بإيدي اغير حال
و بشتكي للحيطان تسمعني ، ميردوش
و اقول معقول ، مبوحشهوش
ليالي الوحده مؤذيه
و حبك فيا ، مانسيتهوش
